கடலூர் மாவட்டம் மேம்பாட்டு பகுதியை சேர்ந்த முந்திரி ஆலையில் கோவிந்தராஜ் என்பவர் கடந்த மாதம் 19ஆம் தேதி உயிரிழந்தார். இந்த ஆலை டிஆர்பி ரமேஷுக்கு சொந்தமான ஆலை ஆகும். இது கொலை வழக்காக பதிவு செய்யப்பட்டு ஏற்கனவே 5 பேர் கைது செய்யப்பட்டிருந்த நிலையில், திமுக எம்பி டிஆர்பி ரமேஷ் கடந்த 11ஆம் தேதி பண்ருட்டியில் நீதிமன்றத்தில் சரணடைந்தார். அவரை நீதிமன்ற காவலில் எடுத்து சிபிஐ விசாரணை செய்து வருகின்றது. இந்நிலையில் தொழிலாளி கொலை வழக்கில் திமுக எம்பி ரமேஷின் நீதிமன்ற காவலை நவம்பர் 9ஆம் தேதி வரை நீட்டித்து கடலூர் நீதிமன்றம் உத்தரவு பிறப்பித்திருந்தது.
இந்நிலையில் பண்ருட்டி முந்திரி ஆலை தொழிலாளி கோவிந்தராசு மரண வழக்கின் விசாரணையின் தற்போது நிலை என்ன? எத்தனை சாட்சிகள் விசாரிக்க வேண்டி உள்ளது என்பதை நாளை தெரிவிக்கும்படி சிபிசிஐடிக்கு சென்னை உயர் நீதிமன்றம் உத்தரவு பிறப்பித்துள்ளது. மேலும் தொழிலாளி கொலை வழக்கில் திமுக எம்பியின் ஜாமீன் கோரிய மனு விசாரணை நாளைக்கு தள்ளி வைக்கப்பட்டுள்ளது.