ஜாவத் புயல் வலுவிழந்து ஆழ்ந்த காற்றழுத்த தாழ்வு மண்டலமாக மாறியது என்று வானிலை ஆய்வு மையம் தகவல் தெரிவித்துள்ளது.
வங்கக் கடலில் உருவான காற்றழுத்த தாழ்வு பகுதி, காற்றழுத்த தாழ்வு மண்டலமாக மாறி புயலாக உருவெடுத்தது. ஆந்திரா மற்றும் ஒடிசா கடலோர பகுதிகளில் நாளை கரையை கடக்கும் என்று வானிலை ஆய்வு மையம் தெரிவித்துள்ளது. இந்நிலையில் ஜாவத் புயலானது வலுவிழந்து, ஆழ்ந்த காற்றழுத்த தாழ்வு மண்டலமாக மாறியதாக வானிலை ஆய்வு மையம் தெரிவித்துள்ளது. இதனால் ஆந்திரா மற்றும் ஒடிசா கடலோர பகுதிகளில் ஒரு சில இடங்களில் கனமழை முதல் மிக கனமழை பெய்யும். மேலும் புயல் கரையை கடக்கும் பொழுது 70 முதல் 80 கிலோ மீட்டர் வேகத்தில் காற்று வீசும் எனவும், வானிலை ஆய்வு மையம் எச்சரிக்கை விடுத்துள்ளது.