உத்தர பிரதேச மாநிலம் லக்கிம்பூர் கேரி என்ற பகுதியில் கடந்த வருடம் அக்டோபர் மாதம் விவசாயிகள் வேளாண் சட்டங்களுக்கு எதிராக கருப்புக் கொடி ஏந்தி போராட்டம் நடத்தினர். அப்போது அவ்வழியாக காரில் சென்ற மத்திய உள்துறை இணை அமைச்சர் அஜய் மிஸ்ராவின் மகன் ஆஷிஷ் மிஸ்ரா, விவசாயிகள் மீது மோதியாகக் கூறப்படுகிறது. இதையடுத்து அப்பகுதியில் போராட்டம் வெடித்தது.
இந்நிலையில் லக்கிம்பூர் வன்முறை தொடர்பாக மத்திய அமைச்சர் அஜய் மிஸ்ராவின் மகன் ஆஷிஷ் மிஸ்ரா மீது 5 ஆயிரம் பக்க குற்றப்பத்திரிகையை சிறப்பு புலனாய்வு பிரிவு போலீஸ் தாக்கல் செய்து உள்ளது. லக்கிம்பூர் விவசாயிகளின் மீது காரை ஏற்றியபோது சம்பவ இடத்தில் அவர் இருந்துள்ளார் என்று முதன்மை குற்றவாளியாக உ.பி காவல்துறை சேர்த்துள்ளது.