கனடா நாட்டின் பிரதமரான ஜஸ்டின் ட்ரூடோ, உக்ரைன் நாட்டின் மீது போர் தொடுக்கும் ரஷ்ய அதிபர் விளாடிமிர் புடினை எச்சரித்திருக்கிறார்.
ரஷ்யா, உக்ரைன் நாட்டின் மீது போர் தொடுத்து வருவது ஒவ்வொரு நாளும் தீவிரமடைந்து கொண்டிருக்கிறது. ரஷ்யப் படைகள், உக்ரைன் நாட்டின் முக்கியமான நகர்களில் பீரங்கி, ஏவுகணை, ராக்கெட் மூலமாக தொடர்ந்து தாக்குதல் மேற்கொண்டு வருகிறது. இதற்கு உக்ரேன் படைகளும் பதிலடி கொடுப்பதால் இரு தரப்பிலும் உயிர் பலிகள் அதிகமாக ஏற்பட்டிருக்கிறது.
இந்நிலையில் ரஷ்ய அதிபர் விளாடிமிர் புடின், உக்ரைன் நாட்டில் இருக்கும் மக்களை குறி வைத்திருக்கிறார் என்று கனடா நாட்டின் பிரதமரான ஜஸ்டின் ட்ரூடோ தெரிவித்திருக்கிறார். இது பற்றி அவர் தெரிவித்ததாவது, மனிதர்களின் வாழ்க்கையில் அலட்சியமான போக்கை பின்பற்றும் விளாடிமிர் புடினின் செயல் கண்டிக்கத்தக்கது. இதைத்தொடர்ந்து செய்து கொண்டிருந்தால், உலக நாடுகள் சரியான பதிலடி கொடுக்கும் என்று எச்சரித்திருக்கிறார்.