கால்வாயில் விவசாயி இறந்து சடலமாக கிடந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் உள்ள சின்ன குண்டி கிராமத்தில் தரணி என்பவர் வசித்து வந்துள்ளார். இவர் ஒரு விவசாயி. இந்நிலையில் காலைப் பொழுதில் நிலத்திற்கு செல்வதாக வீட்டில் சொல்லி விட்டு சென்று நீண்ட நேரமாகியும் வீடு திரும்பாத காரணத்தினால் உறவினர்கள் அவரை பல இடங்களில் தேடியுள்ளனர். அப்போது அதே பகுதியில் அமைந்திருக்கும் ஆற்றுத் தண்ணீர் செல்கின்ற கால்வாயில் சடலமாக கிடந்துள்ளார்.
இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று விசாரணை நடத்தியுள்ளனர். அந்த விசாரணையில் கால்வாயில் அதிக அளவில் தண்ணீர் செல்வதினால் அதில் தவறி விழுந்து அடித்து சென்று உயிரிழந்திருப்பது காவல்துறையினருக்கு தெரியவந்துள்ளது. இதனைத் தொடர்ந்து தரணியின் உடலை மீட்டு பிரேத பரிசோதனைக்காக அரசு மருத்துவமனைக்கு காவல்துறையினர் அனுப்பி வைத்துள்ளார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.