சத்தீஸ்கர் மாநிலம் ராய்ப்பூரில் வசித்து வந்த 8 வயது சிறுமி திடீரென சென்ற வாரம் காணாமல் போய்விட்டார். இதையடுத்து காவல்துறையினர் கடத்தல் வழக்குப்பதிவு செய்து விசாரணை மேற்கொண்டு வந்தனர். இந்நிலையில் சிறுமி வீட்டிற்கு அருகிலுள்ள காலி இடத்தில் அவரது சடலம் கண்டெடுக்கப்பட்டது. அதன்பின் சிறுமியின் உடலை பிரேத பரிசோதனை மேற்கொண்டதில் அவர் பாலியல் வன் கொடுமை செய்யப்பட்டு, கழுத்தை நெரித்து கொலை செய்யப்பட்டதாக காவல்துறையினர் கூறினர்.
அதனை தொடர்ந்து சந்தேகத்தின்படி 14 வயது சிறுவனை காவல்துறையினர் கைது செய்தனர். அதன்பின் காவல்துறையினர் நடத்திய விசாரணையில், சிறுமியை பாலியல் வன்கொடுமை செய்து கழுத்தை நெரித்துக் கொலை செய்ததை சிறுவன் ஒப்புக்கொண்டான். இதனால் சிறுவன் மீது கொலை, கடத்தல், போக்சோ ஆகிய பிரிவுகளில் காவல்துறையினர் வழக்குப்பதிவு கைது செய்தனர்.