இரண்டு பேருந்துகள் நேருக்கு நேர் மோதி விபத்துக்குள்ளானதில் 10 பேர் உயிரிழந்துள்ள சம்பவம் சோகத்தை ஏற்படுத்தியுள்ளது.
கானாவில் உள்ள அக்ரா-கேப் கோஸ்ட் என்னும் நெடுஞ்சாலையில் இரண்டு பேருந்துகள் சென்றுகொண்டிருந்தது. அப்போது தீடிரென இரண்டு பேருந்துகளும் நேருக்கு நேர் மோதி விபத்துக்குள்ளானது. இந்த விபத்தில் 10 பேர் சம்பவ இடத்திலேயே பரிதபாமாக உயிரிழந்துள்ளனர். மேலும் 20 பேர் படுகாயமடைந்துள்ளனர். இதனை கண்ட மக்கள் அதிகாரிகளுக்கு தகவல் கொடுத்துள்ளனர்.
இந்த தகவலின் பேரில் போலீசார் மற்றும் தீயணைப்பு வீரர்கள் சம்பவ இடத்திற்கு விரைந்து சென்று படுகாயமடைந்தவர்களை மீட்டு ஆம்புலன்ஸ் மூலம் அருகிலுள்ள வின்னிபா மருத்துவமனையில் சிகிச்சைக்காக அனுமதித்துள்ளனர். அங்கு அவர்கள் சிகிச்சை பெற்று வருவதாக தகவல் வெளியாகியுள்ளது. இதனையடுத்து பேருந்துகளின் இடிபாடுகளில் சிக்கிய பலரை தீயணைப்பு வீரர்கள் போராடி மீட்டுள்ளனர். மேலும் இந்த விபத்துக்கான காரணம் என்ன என்பது குறித்து போலீசார் தொடர்ந்து விசாரணை மேற்கொண்டு வருகின்றனர்.