கடையின் பூட்டை உடைத்து செல்போன் உதிரி பாகங்களை திருடி சென்ற மர்மநபர்களை காவல்துறையினர் வலைவீசி தேடி வருகின்றனர்.
திருவள்ளூர் மாவட்டத்திலுள்ள திருநின்றவூர் நெமிலிச்சேரி தேவி நகர் பகுதியில் உத்திரமுத்து என்பவர் வசித்து வருகிறார். இவர் திருநின்றவூர் பிரகாஷ் நகர் சாலையில் செல்போன் உதிரிபாகங்கள் கடை நடத்தி வருகிறார். இந்நிலையில் உத்திரமுத்து வழக்கம்போல் கடையை மூடி விட்டு வீட்டிற்கு சென்று விட்டார். இதனையடுத்து மறுநாள் காலையில் வந்து பார்த்தபோது கடையின் பூட்டு உடைக்கப்பட்டிருந்ததை கண்டு உத்திரமுத்து அதிர்ச்சி அடைந்தார்.
அதன்பின் கடையின் உள்ளே சென்று பார்த்தபோது அங்கு வைத்திருந்த ரூ.10 ஆயிரம் மதிப்புள்ள செல்போன் உதிரிபாகங்களை மர்ம நபர்கள் திருடி சென்றது தெரியவந்துள்ளது. இது குறித்து உத்திரமுத்து திருநின்றவூர் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் செல்போன் உதிரி பாகங்களை திருடி சென்ற மர்மநபர்களை வலைவீசி தேடி வருகின்றனர்.