இறந்து 2 நாட்கள் ஆயிற்று…. மீனவர்களின் தகவல்…. கடற்கரையில் புதைத்த வனத்துறையினர்….!!

இறந்த நிலையில் 2 கடல் ஆமைகள் கரை ஒதுங்கிய சம்பவம் பரபரப்பை ஏற்படுத்தியுள்ளது.

திருநெல்வேலி மாவட்டத்திலுள்ள கூடங்குளம் பகுதிக்கு அருகில் உள்ள கூட்டப்புளி மீனவ கிராமத்தில் 30 கிலோ எடையுள்ள 2 கடல் ஆமைகள் இறந்த நிலையில் கரை ஒதுங்கியுள்ளது. இதனை கண்ட மீனவர்கள் இது குறித்து கடலோர காவல்படை காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற அதிகாரிகள் இது குறித்து விசாரணை மேற்கொண்டு வருகின்றனர்.

இதனையடுத்து ஆமைகள் அழுகிய நிலையில் கரை ஒதுங்கியதால் இறந்து 2 நாட்களுக்கு மேல் ஆகிவிட்டது எனவும், அவை ஆழ்கடலில் கப்பல் மோதி அடிபட்டு இறந்திருக்கலாம் எனவும் காவல்துறையினர் தரப்பில் கூறுகின்றனர். மேலும் வனத்துறையினர் மற்றும் மருத்துவர்கள் சம்பவ இடத்திற்கு விரைந்து சென்று இறந்த ஆமைகளை கைப்பற்றி பிரேத பரிசோதனை செய்து அதன்பின் கடற்கரையில் புதைத்துள்ளனர்.