கடலில் தவறி விழுந்த மீனவரை கடலோர காவல்படையினர் தேடும் பணியில் தீவிரமாக ஈடுபட்டு வருகின்றனர்.
தூத்துக்குடி மாவட்டத்திலுள்ள டி.சவேரியார் புரம் பகுதியில் ஜூலியட் என்பவர் வசித்து வருகிறார். இவர் மீன்பிடி தொழில் செய்து வருகிறார். கடந்த 23-ஆம் தேதி ஜூலியட் உள்பட தூத்துக்குடியில் வசிக்கும் 9 மீனவர்கள் விசைப்படகில் மீன்பிடிக்க சென்றனர். கடந்த சில நாட்களாக அவர்கள் அங்கேயே தங்கியிருந்து கடலில் மீன் பிடித்து வந்துள்ளனர். இந்நிலையில் மீண்டும் அவர்கள் தூத்துக்குடிக்கு திரும்பினர்.
இந்நிலையில் தூத்துக்குடியில் இருந்து 77 கடல் மைல் தொலைவில் விசைப்படகு வந்து கொண்டிருந்தது. அப்போது எதிர்பாராதவிதமாக ஜூலியட் கடலில் தவறி விழுந்தார். இதனை பார்த்த சக மீனவர்கள் இது குறித்து கடலோர காவல்படையினருக்கு தகவல் தெரிவித்துள்ளனர். அந்த தகவலின்படி கடலோர காவல்படையினர் மற்றும் பிற மீனவர்களும் ஜூலியட்டை தேடும் பணியில் தீவிரமாக ஈடுபட்டு வருகின்றனர்.