காஜல் அகர்வாலின் திரில்லர் திரைப்படத்தின் படப்பிடிப்பு இறுதி கட்டத்தை எட்டியுள்ளதாக தகவல் வெளியாகி உள்ளது.
தமிழ் மற்றும் தெலுங்கு சினிமாவில் முன்னணி நடிகையாக வலம் வருபவர் காஜல் அகர்வால். இவர் தற்போது கல்யாண் இயக்கும் ‘கோஸ்டி’ என்ற திரைப்படத்தில் நடித்து வருகிறார்.இந்த திகில் படத்தில் யோகிபாபு, மொட்டை ராஜேந்திரன், ஊர்வசி, மயில்சாமி உள்பட பல பிரபலங்கள் நடிக்கின்றனர்.
இப்படத்தில் காஜல் அகர்வால் பேயாகவும், போலீஸ் அதிகாரியாகவும், சினிமா நடிகையாகவும் நடித்து வருகிறார் என்று தகவல் வெளியாகியுள்ளது. இப்படத்தின் இறுதிக்கட்ட படப்பிடிப்பு தற்போது விறுவிறுப்பாக நடைபெற்று வருகிறது. ஆகையால் காஜல் அகர்வாலின் திரில்லர் திரைப்படத்தை காண ரசிகர்கள் மிகுந்த ஆவலுடன் காத்துக் கொண்டிருக்கின்றனர்.