தடுப்பூசி போட்டுக் கொள்வதில் கடைசி இடத்தில் இருப்பதாக கலெக்டர் தெரிவித்துள்ளார்.
ராணிப்பேட்டை மாவட்டத்தில் பழுதடைந்து இருக்கும் பள்ளி கட்டிடங்களை விரைவாகக் கண்டறிந்து அவற்றை இடிக்கும் பணிகளை துரிதப்படுத்த வேண்டும் எனவும், பழுதான கட்டிடங்களுக்கு அருகில் மாணவ-மாணவிகள் செல்லாமல் இருக்க ஆசிரியர்கள் நடவடிக்கை எடுக்குமாறும், 2 வாரங்களுக்கு முன்னதாகவே பழுதடைந்த கட்டிடங்களை கண்டறியும் பணிகளை செய்து தற்போது அதை இடிக்கும் பணிகள் நடைபெற்று வருகிறது. இதைப் போன்றே பள்ளிகளில் படிக்கும் ஏழ்மை நிலையில் இருக்கும் மாணவ-மாணவியர்களின் குடும்ப சூழ்நிலையை தெரிந்து அவர்களுக்கும் மற்றும் பெற்றோர்களுக்கும் அரசின் மூலம் செயல்படுத்தப்படும் எண்ணற்ற திட்டங்கள் அவர்களை சேர ஆசிரியர்கள் தாமாக முன் வந்து உதவ வேண்டும்.
அதன்பின் ஏழ்மை நிலையில் இருக்கும் குடும்பங்கள் போதிய விழிப்புணர்வு இல்லாமல் இத்திட்டங்கள் மூலம் பயன்பெறுவதை விட்டுவிடுகின்றனர். ஆதலால் இதன் மீது தனி கவனம் செலுத்தி அறிவுரை வழங்க வேண்டும். இதனையடுத்து இருளர் இன மக்களுக்கு தற்போது ஆதார் அட்டை மற்றும் ரேஷன் அட்டை, காப்பீடு அட்டை போன்றவைகள் வழங்கப்பட்டு வருகின்றது. இதன் அடிப்படையில் அவர்களுக்கான வீடு வழங்க இடத்தை ஊரக வளர்ச்சித் துறையின் மூலமாக சம்பந்தப்பட்ட வட்டார வளர்ச்சி அலுவலர்கள், வருவாய் துறையினர் மூலமாக வழங்கப்படும் இடங்களைக் கொண்டு விரைவாக வீடுகள் ஒதுக்கீடு செய்து அவர்களுக்கான திட்டத்தை பூர்த்தி செய்து பணிகளை விரைவுபடுத்த வேண்டும்.
பின்னர் நகராட்சி மற்றும் பேரூராட்சிகளில் வீடு இல்லாதவர்களுக்கும் தமிழ்நாடு குடிசை மாற்று வாரியம் மூலமாக வீடுகள் வழங்கிட நடவடிக்கைகள் மேற்கொள்ள வேண்டும். இதில் ஜல் ஜீவன் மிஷின் குடிநீர் திட்டப் பணிகளை விரைவாக செயல்படுத்தி முடிக்க வேண்டும் எனவும், அதனால் இம்மாவட்டம் பணிகளை முடிப்பதில் முன்னிலையில் இருந்து வருகின்றது. பிறகு விரைவாக முடித்தால் முதல் நிலைக்கு செல்லலாம் என்று வட்டார வளர்ச்சி அலுவலர்கள் இதன் மீது அதிக கவனம் செலுத்தி பணியாற்ற வேண்டும். இதனை தொடர்ந்து இம்மாவட்டம் தடுப்பூசி போடுவதில் கடைசி நிலையிலேயே இருந்து வருகின்றது. இதை அறிந்து கொண்டு உள்ளாட்சி அமைப்பு பிரதிநிதிகளும் மற்றும் அலுவலர்களும் செயல்பட வேண்டும் எனவும், அதற்கான நடவடிக்கைகளை சுகாதாரத் துறை இணைந்து பணியாற்ற வேண்டும் என கலெக்டர் தெரிவித்துள்ளார்.