தனது பிறந்தநாளை முன்னதாக விக்ரம் படக்குழுவினருடன் கமல்ஹாசன் இன்று கொண்டாடியுள்ளார்.
தமிழ் சினிமாவில் நடிகர் கமல்ஹாசன் முன்னணி நடிகராக வலம் வருபவர். இவர் லோகேஷ் கனகராஜ் இயக்கத்தில் ”விக்ரம்” படத்தில் நடிக்கிறார். இந்தப் படத்தில் பகத் பாசில், அர்ஜுன் தாஸ், காளிதாஸ் ஜெயராம் மற்றும் பலரும் நடிக்கின்றனர். கிருஷ் கங்காதரன் ஒளிப்பதிவு செய்யும் இந்த படத்திற்கு அனிருத் இசையமைத்துள்ளார்.
இதனையடுத்து, இந்த படத்தின் டீசர் இவரின் பிறந்தநாளான நவம்பர் 7ஆம் தேதி வெளியாகும் என எதிர்பார்க்கப்பட்டது. இந்நிலையில், நவம்பர் 7ஆம் தேதி கொண்டாடவுள்ள தனது பிறந்தநாளை இன்று விக்ரம் படக்குழுவினருடன் கமல்ஹாசன் கொண்டாடியுள்ளார். அப்போது எடுக்கப்பட்ட புகைப்படம் சமூக வலைதளத்தில் வைரலாகி வருகிறது.
