தமிழ் சினிமாவில் முன்னணி நடிகராக வலம் வருபவர் உலகநாயகன் கமல். இவர் தனக்கென்று தனி ரசிகர் பட்டாளத்தையே உருவாக்கி உள்ளார். இவர் நடிப்பில் சமீபத்தில் வெளியான விக்ரம் திரைப்படம் மாபெரும் வரவேற்பை பெற்று வசூல் சாதனை படைத்துள்ளது. அதனைத் தொடர்ந்து பல நாட்களாக கிடப்பில் போட்ட இந்தியன் 2 திரைப்படத்தை மீண்டும் கமல் தொடங்கியுள்ளார். இந்த படத்தை லைக்காவுடன் இணைந்து உதயநிதி ஸ்டாலின் தயாரிக்கிறார். தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது. இதனையடுத்து சமீபத்தில் கமல் பிறந்த நாளை முன்னிட்டு அவரது படத்தை பற்றிய அறிவிப்பு வெளியானது.
35 ஆண்டுகளுக்கு பிறகு மணிரத்னம் மற்றும் கமல் கூட்டணி உருவாகப் போவதாக தகவல் வெளியாகி உள்ளது. மேலும் இந்த படத்தை கமல் மற்றும் மணிரத்னம் தயாரிக்க அவர்களுடன் இணைந்து உதயநிதி ஸ்டாலினும் தயாரிக்கிறார். இந்நிலையில் சமீபத்தில் இப்படத்தை பற்றி பேசி உதயநிதி, மொத்தம் மூன்று கதைகளை பேசி வைத்துள்ளோம். விரைவில் எந்த கதை எடுக்கலாம் என முடிவெடுப்போம் என்று தெரிவித்துள்ளார். இதனை கேட்ட ரசிகர்கள் இன்னும் கதையை முடிவாகவில்லையா? எனக் கேட்டு வருகின்றனர். மேலும் கதையே முடிவாகவில்லை என்றால் படம் துவங்க தாமதம் ஆகுமே என்று ரசிகர்கள் கவலையில் உள்ளனர்.