தமிழ் சினிமாவில் பிரபல முன்னணி நடிகராக வலம் வருபவர் தளபதி விஜய். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வெற்றியடைந்து வருகிறது. விக்ரம் பட வெற்றியை தொடர்ந்து தற்போது இயக்குனர் லோகேஷ் கனகராஜ் ”தளபதி 67” படத்தின் பணிகளில் ஈடுபட்டு வருகிறார்.
அனிருத் இசையமைக்கும் இந்த படத்தை செவன் ஸ்க்ரீன் ஸ்டுடியோ தயாரிக்கிறது. இந்த படத்தின் படப்பிடிப்பு வரும் டிசம்பர் மாதம் தொடங்கும் என கூறப்படுகிறது. இந்த படம் கைதி படம் போல காதல் காட்சிகள் மற்றும் பாடல்கள் எதுவும் இல்லாமல் இருக்கும் என தகவல் வெளியானது.
இதனையடுத்து, தற்போது இந்த படம் குறித்த சூப்பரான அப்டேட் வெளியாகியுள்ளது. அதன்படி, இந்த திரைப்படம் லோகேஷ் சினிமாட்டிக் யுனிவர்சில் இருக்கும் என பிரபல நடிகர் நரேன் கூறியுள்ளாராம். மேலும், இந்த படத்தில் நடிகர் கமல் மற்றும் சூர்யா நடிக்க இருப்பதாகவும் தகவல் வெளியாகியுள்ளது. இந்நிலையில், விஜய் ரசிகர்கள் ‘எல்.சி.யூ’ தளபதி 67 என சமூக வலைதளத்தில் ட்ரண்ட் செய்து வருகின்றனர்.