‘விக்ரம்’ பட கதையில் சில மாற்றங்களை செய்ய வேண்டும் என்று நடிகர் கமல்ஹாசன் கூறியுள்ளார்.
தமிழ் சினிமாவில் முன்னணி நடிகராக வலம் வருபவர் கமல்ஹாசன். இவர் புதிதாக நடிக்கவிருக்கும் ‘விக்ரம்’ திரைப்படத்தை பிரபல இயக்குனர் லோகேஷ் கனகராஜ் இயக்குகிறார். இப்படத்தில் வில்லனாக நடிக்க நடிகர் பஹத் பாசில் ஒப்பந்தமாகியுள்ளார். இந்நிலையில் இப்படத்திற்கான கதையை நடிகர் கமலஹாசன் படித்துப் பார்த்துவிட்டு சில மாற்றங்களை செய்யும்படி கூறி உள்ளார்.
அதற்கேற்றவாறு இயக்குனர் லோகேஷ் கனகராஜ் சில காட்சிகளை மாற்றி எழுதி வருவதாக தகவல் வெளியாகி உள்ளது. இதைத்தொடர்ந்து அதிரடி சண்டை படமாக உருவாக இருக்கும் விக்ரம் திரைப்படத்தின் படப்பிடிப்பு கூடிய விரைவில் தொடங்கப்படும் என்று தெரியவந்துள்ளது.