கனமழை காரணத்தினால் கடலை செடிகள் மழை நீரில் மூழ்கும் அபாயம் ஏற்பட்டிருப்பதாக விவசாயிகள் தெரிவித்துள்ளனர்.
புதுக்கோட்டை மாவட்டத்தில் பல பகுதிகளில் கனமழை பெய்ததால் வெள்ளம் பெருக்கெடுத்து ஓடி உள்ளது. இந்த கனமழையால் ஆதனக்கோட்டை பகுதியில் விவசாயி ஒருவர் வயலில் மழை நீர் தேங்கி உள்ளது. இந்நிலையில் கடலைக் கொடியை பிடுங்கி கடலை பிரித்து எடுக்கும் பணியில் விவசாய தொழிலாளர்கள் ஈடுபட்டுள்ளனர்.
இதனையடுத்து 5 நாட்களுக்கு கனமழை நீடிக்கும் என வானிலை ஆய்வு மையம் தெரிவித்துள்ளது. இதனால் தாங்கள் பயிரிட்டுள்ள கடலை செடிகள் அழுகி கடலைகள் முளைத்து விடும் நிலை ஏற்பட்டிருப்பதாக விவசாயிகள் கவலையுடன் தெரிவித்துள்ளனர்.