பிக் பாஸ் பிரபலம் சனம் ஷெட்டிக்கு ‘பெண் சக்தி’ விருது கிடைத்துள்ளது.
நடிகர் கமல்ஹாசன் தொகுத்து வழங்கிய பிக் பாஸ் நிகழ்ச்சியின் நான்காவது சீசனில் போட்டியாளராக கலந்துகொண்டவர் சனம் செட்டி. இவர் பிக் பாஸ் வீட்டில் சக போட்டியாளர்களிடம் தனது கருத்துக்களை தைரியமாக பேசியதால் ரசிகர்கள் மனதில் இடம் பிடித்தார். ஆனால் இந்த நிகழ்ச்சியில் ரசிகர்களின் பேராதரவு இருந்தும் சனம் ஷெட்டி வெளியேற்றப்பட்டார். இதனால் அவரது ரசிகர்கள் வருத்தத்தில் இருந்தனர்.
இந்நிலையில் மகளிர் தினத்தில் ‘பெண் சக்தி’ என்ற விருதை கமல்ஹாசன் அவர்களிடமிருந்து சனம் ஷெட்டி பெற்றுள்ளார். இதுகுறித்து சனம் தனது சமூக வலைதள பக்கத்தில் ‘கனவிலும் கூட நினைக்காதது நடந்துள்ளது’ என நெகிழ்ச்சியாக பதிவிட்டுள்ளார். இதையடுத்து அவருக்கு ரசிகர்கள் வாழ்த்துக்கள் தெரிவித்து வருகின்றனர்.