கஞ்சா விற்பனையில் ஈடுபட்ட வாலிபரை காவல்துறையினர் கைது செய்துள்ளனர்.
திருப்பத்தூர் மாவட்டத்தில் உள்ள கவுதமபேட்டை பகுதியில் இளங்கோவன் என்பவர் வசித்து வருகிறார். இவர் செங்கல் சூளை குத்தகைக்கு எடுத்து நடத்தி வருகின்றார். அதன்பின் இவர் கஞ்சா விற்பனை செய்வதாக காவல்துறையினருக்கு தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்று காவல்துறையினர் இளங்கோவனை கண்காணித்து வந்துள்ளனர்.
இவர் கர்நாடக மாநிலத்தில் உள்ள பங்காருபேட்டை பகுதியிலிருந்து கஞ்சா கடத்தி வந்து செங்கல் சூளையில் பதுக்கி வைத்து விற்பனை செய்து வந்தது காவல்துறையினருக்கு தெரியவந்துள்ளது. இதனையடுத்து இளங்கோவனை காவல்துறையினர் கைது செய்துள்ளனர். இதனைத் தொடர்ந்து அவர் செங்கல் சூளையில் பதுக்கி வைத்திருந்த 4 1/2 கிலோ கஞ்சாவை காவல்துறையினர் பறிமுதல் செய்துள்ளனர். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை செய்து வருகின்றனர்.