பிரபல பாலிவுட் நடிகை கங்கனா ரணாவத் முன்னாள் பிரதமரின் வாழ்க்கை வரலாறு படத்தை இயக்க உள்ளார்.
தமிழகத்தின் மறைந்த முதலமைச்சர் ஜெயலலிதாவின் வாழ்க்கை வரலாற்றை தழுவி ‘தலைவி’ எனும் திரைப்படம் உருவாகியுள்ளது. ஏ.எல்.விஜய் இயக்கத்தில் உருவான இத்திரைப்படத்தில் ஜெயலலிதா கதாபாத்திரத்தில் பிரபல பாலிவுட் நடிகை கங்கனா ரனாவத் நடித்திருக்கிறார். இப்படம் கூடிய விரைவில் வெளியாக உள்ள நிலையில் இதையடுத்து முன்னாள் பிரதமர் இந்திரா காந்தியின் வாழ்க்கை வரலாற்று படத்தில் நடிகை கங்கனா ரனாவத் நடிக்கிறார்.
‘எமர்ஜென்சி’ என்று பெயர் வைக்கப்பட்டுள்ள இப்படத்தில் நடிகை கங்கனா ரனாவத் இந்திரா காந்தி வேடத்தில் நடிப்பது மட்டுமல்லாமல் இப்படத்தை அவரே இயக்கவும் உள்ளார். நடிகை கங்கனா ரனாவத் ஏற்கனவே மணிகர்னிகா எனும் இந்தி திரைப்படத்தை இயக்கி இருப்பது குறிப்பிடத்தக்கது.