கஞ்சா விற்பனை செய்த வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள அண்ணாநகர் பகுதியில் சண்முகம் என்பவர் வசித்து வருகிறார். இவருக்கு நமச்சிவாயம் என்ற மகன் உள்ளார். இவர் திரேஸ்புரம் கடற்கரையில் வைத்து கஞ்சா விற்பனை செய்து கொண்டிருந்தார்.
இது குறித்து தகவலறிந்த தூத்துக்குடி வடபாகம் காவல்துறையினர் சம்பவ இடத்திற்கு விரைந்து சென்று கஞ்சா விற்பனை செய்து கொண்டிருந்த நமச்சிவாயத்தை மடக்கிப்பிடித்து கைது செய்தனர். இதனையடுத்து அவரிடம் இருந்த 100 கிராம் கஞ்சாவையும் காவல்துறையினர் பறிமுதல் செய்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.