கஞ்சா விற்பனை செய்த வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள முத்தையாபுரம் காவல்துறையினருக்கு அப்பகுதியில் கஞ்சா விற்பனை செய்வதாக ரகசிய தகவல் கிடைத்துள்ளது. அந்த தகவலின்படி சம்பவ இடத்திற்கு விரைந்து சென்ற காவல்துறையினர் தூத்துக்குடி-திருச்செந்தூர் சாலையில் சந்தேகத்திற்கிடமான வகையில் நின்று கொண்டிருந்த வாலிபரை பிடித்து விசாரணை நடத்தினர்.
அந்த விசாரணையில் திரேஸ்புரம் பகுதியில் வசிக்கும் கோவிந்தராஜா என்பது காவல்துறையினருக்கு தெரியவந்துள்ளது. மேலும் அவர் சட்டவிரோதமாக கஞ்சா விற்பனை செய்து கொண்டிருந்ததும் காவல்துறையினருக்கு தெரியவந்துள்ளது. இதுகுறித்து வழக்கு பதிவு செய்த காவல்துறையினர் கொவிந்தராஜாவை கைது செய்ததோடு அவரிடம் இருந்த 1 கிலோ 200 கிராம் கஞ்சாவையும் பறிமுதல் செய்தனர்.