கஞ்சா விற்பனை செய்த வாலிபரை காவல்துறையினர் கைது செய்துள்ளனர்.
திருவண்ணாமலை மாவட்டத்தில் உள்ள போளூர் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது சந்தேகத்திற்கிடமான வகையில் ஒருவர் நின்று கொண்டிருந்தார். இதனை பார்த்த காவல்துறையினர் அவரை மடக்கிப் பிடித்து விசாரணை நடத்தினர். அந்த விசாரணையில் அவர் புதுப்பாளையம் கிராமத்தில் வசிக்கும் சீனிவாசன் என்பது காவல்துறையினருக்கு தெரியவந்துள்ளது.
மேலும் அவர் கூட்ரோட்டில் தடை செய்யப்பட்ட கஞ்சா பொருட்களை விற்பனை செய்தது காவல்துறையினருக்கு தெரியவந்துள்ளது. மேலும் இதுகுறித்து வழக்கு பதிவு செய்த காவல்துறையினர் சீனிவாசனை கைது செய்ததோடு அவரிடமிருந்த 200 கிராம் கஞ்சாவையும் பறிமுதல் செய்தனர்.