கஞ்சா வைத்திருந்த வாலிபரை காவல்துறையினர் கைது செய்துள்ளனர்.
திருவண்ணாமலை மாவட்டத்திலுள்ள ஏந்தல் பைபாஸ் ஜங்ஷன் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது அந்த பகுதியில் சந்தேகத்திற்கிடமான வகையில் வாலிபர் ஒருவர் நின்று கொண்டிருந்தார். இதனை பார்த்த காவல்துறையினர் அவரை மடக்கி பிடித்து விசாரணை நடத்தினர்.
அந்த விசாரணையில் அவர் அண்ணாமலை நகர் பகுதியில் வசிக்கும் பாலாஜி என்பதும், மேலும் அவர் 1\2 கிலோ கஞ்சா வைத்திருந்தது காவல்துறையினருக்கு தெரிய வந்துள்ளது. இது குறித்து வழக்கு பதிவு செய்த காவல்துறையினர் பாலாஜியை கைது செய்ததோடு அவரிடமிருந்த கஞ்சாவையும் பறிமுதல் செய்தனர்.