கர்நாடகாவில் நடிகர் விஜய்க்கு சிலை வைத்து ரசிகர்கள் கொண்டாடிய புகைப்படங்கள் இணையத்தில் வைரலாகி வருகிறது .
தமிழ் திரையுலகில் நட்சத்திர நாயகனாக வலம் வரும் விஜய் நடிப்பில் மாஸ்டர் திரைப்படம் திரையரங்குகளில் வெளியாகி நல்ல வரவேற்பை பெற்று வருகிறது. பொங்கல் விருந்தாக வெளியான இந்தப் படத்தை பார்க்க மக்கள் கூட்டம் கூட்டமாக திரையரங்கிற்கு செல்கின்றனர் . இந்தப் படம் மூன்றே நாட்களில் 100 கோடி வசூல் செய்துள்ளதாக கூறப்படுகிறது .
மேலும் மாஸ்டர் படம் இந்தி ,தெலுங்கு, மலையாளம் என பல மொழிகளில் டப் செய்யப்பட்டு வெளியாகியுள்ளது. இந்நிலையில் கர்நாடகாவில் ‘மாஸ்டர்’ படத்தைப் பார்த்த ரசிகர்கள் விஜய்க்கு சிலை வைத்து கொண்டாடியுள்ளது அனைவரையும் ஆச்சரியப்படுத்தியுள்ளது . நடிகர் விஜய்க்கு சிலை வைத்து மாலை அணிவித்து ரசிகர்கள் கொண்டாடிய புகைப்படங்கள் தற்போது இணையத்தில் வைரலாகி வருகிறது.