கார்த்தி நடிக்கும் புதிய படத்தின் பர்ஸ்ட் லுக் மற்றும் மோஷன் போஸ்டர் வெளியாகி உள்ளது.
தமிழ் சினிமாவின் முன்னணி நடிகராக வலம் வருபவர் கார்த்தி. இவர் தற்போது இரும்புத்திரை, ஹீரோ உள்ளிட்ட படங்களை இயக்கிய பி.எஸ்.மித்ரன் இயக்கத்தில் நடிக்க உள்ளார். இந்த புதிய படம் குறித்த தகவல் வெளியாகியுள்ளது. அதன்படி கார்த்தி நடிக்கும் இப்படத்திற்கு ஜிவி பிரகாஷ் இசையமைக்க உள்ளார் என்று கடந்த ஆண்டு அறிவிக்கப்பட்டது.
மேலும் இப்படத்தில் கார்த்திக்கு ஜோடியாக ரஷி கண்ணா மற்றும் ரஜிஷா விஜயன் ஆகியோர் நடிக்கவுள்ளனர்.இந்நிலையில் இப்படத்தின் பர்ஸ்ட் லுக் மற்றும் மோஷன் போஸ்டரை படக்குழுவினர் திடீரென வெளியிட்டுள்ளனர். இச்செய்தி கார்த்தி ரசிகர்களுக்கு இன்ப அதிர்ச்சியை கொடுத்துள்ளது.
அதன்படி பிரின்ஸ் பிக்சர்ஸ் நிறுவனம் தயாரிப்பில் உருவாகியுள்ள இப்படத்திற்கு ‘சர்தார்’ என பெயரிடப்பட்டுள்ளது. மேலும் இப்படத்தின் படப்பிடிப்பு இன்று முதல் தொடங்கப்பட உள்ளது.ஆகையால் இப்படத்திற்கான அடுத்தடுத்த அப்டேட்டை காண ரசிகர்கள் ஆவலுடன் காத்துக் கொண்டிருக்கின்றனர்.