”ஆதார்” படம் தற்போது இறுதி கட்டத்தை எட்டி இருப்பதாக படக்குழுவினர் தெரிவித்துள்ளனர்.
தமிழ் சினிமாவில் பிரபல நடிகராக வலம் வருபவர் கருணாஸ். அம்பாசமுத்திரம் அம்பானி படத்தின் இயக்குனர் ராம்நாத் பழனி குமார் இயக்கத்தில் இவர் நடிப்பில் உருவாகியிருக்கும் திரைப்படம் ”ஆதார்”. இந்த படத்தில் கருணாஸ், பிரபாகர், அருள் பாண்டியன், ரித்விகா, இனியா மற்றும் பலர் நடித்துள்ளனர்.
மேலும், ஸ்ரீகாந்த் தேவா இசையமைக்கும் இந்த படத்திற்கு மகேஷ் முத்துசாமி ஒளிப்பதிவு செய்துள்ளார். இந்த படத்தின் பர்ஸ்ட் லுக் போஸ்டர் பொங்கலன்று வெளியாகி ரசிகர்களிடையே நல்ல வரவேற்பை பெற்றது. இந்நிலையில், இந்த படம் தற்போது இறுதி கட்டத்தை எட்டி இருப்பதாக படக்குழுவினர் தெரிவித்துள்ளனர். மேலும் இந்த படத்தின் டீசர், டிரைலர் ஆகியவை அடுத்தடுத்து ரிலீஸாகும் எனவும் படக்குழுவினர் தெரிவித்துள்ளதாக தகவல் வெளியாகியுள்ளது.