Categories
மாநில செய்திகள்

கொரோனா தடுப்பு முதல்வர் நிவாரண நிதிக்கு கரூர் வைஸ்யா வங்கி ரூ. 1 கோடி நிதியுதவி!

முதல்வர் நிவாரண நிதிக்கு கரூர் வைஸ்யா வங்கி ரூ. 1 கோடி நிதியுதவி வழங்கி உள்ளது.

தமிழகத்தில் கொரோனா தொற்று தீவிரமாகப் பரவி வரும் நிலையில், கொரோனா தடுப்புப் பணிக்கு தொழிலதிபர்கள், சமூக ஆர்வலர்கள், பொதுமக்கள் நிவாரண நிதி வழங்க முதல்வர் கோரிக்கை விடுத்திருந்தார். அதனடிப்படையில் திரையுலக பிரபலங்கள், தொழிலதிபர்கள், தன்னார்வலர்கள்என பலரும் முதல்வர் பொது நிவாரண நிதிக்கு உதவி அளித்து வருகின்றனர்.

இந்நிலையில் கொரோனா தடுப்புப் பணிக்கு தற்போது பெறப்பட்ட மொத்தத் தொகை ரூ.160.93 கோடி என கடந்த வாரம் தமிழக அரசு அறிவித்தது. ஸ்டெர்லைட் நிறுவனம் – ரூ. 5 கோடி, சுந்தரம் பாட்னர்ஸ் – ரூ.3 கோடி, ஐ.டி.சி எஜுகேஷன் – ரூ. 2 கோடி, ஆச்சி மசாலா – 1.10 கோடி, தமிழக அரசு இ- பேமண்ட்ஸ் – ரூ.97.65 கோடி, சன்மார்க் குழுமம் – ரூ. 1 கோடி, தமிழ்நாடு மெக்னசைட் லிட் – ரூ.77.30 லட்சம், தீயணைப்புத்துறை – ரூ. 64.74 லட்சம் வழங்கப்பட்டுள்ளது.

தமிழ்நாடு அரசு போக்குவரத்து கழக பணியாளர்கள் சார்பில் 14 கோடியே 10 லட்ச ரூபாய், அதிமுக சார்பில் ரூ.1 கோடி, காமராஜர் துறைமுகம் சார்பில் ரூ.1 கோடி வழங்கப்பட்டுள்ளது. மேலும் சென்னை சூப்பர் கிங்ஸ் பிரைவேட் லிமிடெட் சார்பில் ரூ. 1 கோடி, நடிகர் அஜித்குமார் ரூ.50 லட்சம், நடிகர் சிவகார்த்திகேயன் ரூ.25 லட்சம், மேலும் பொதுமக்கள் மற்றும் அரசியல் கட்சிகள் சார்பாக நிதிகள் வழங்கப்பட்டுள்ளன. இந்த நிலையில் முதல்வர் நிவாரண நிதிக்கு கரூர் வைஸ்யா வங்கி ரூ. 1 கோடி வழங்கி உள்ளது குறிப்பிடத்தக்கது.

Categories

Tech |