காற்றாலையில் திருடிய 2 பேரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள தேவர்குளம் பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது சந்தேகத்திற்கிடமான வகையில் சாக்கு பையுடன் 2 பேர் நின்று கொண்டிருந்தனர். இதனை பார்த்த காவல்துறையினர் அவர்களை மடக்கி பிடித்து விசாரணை நடத்தினர்.
அந்த விசாரணையில் அவர்கள் தேவர்குளம் பகுதியில் வசிக்கும் டேனிகுமார் மற்றும் ஜோசப் என்பது காவல்துறையினருக்கு தெரியவந்துள்ளது. மேலும் அவர்கள் காற்றாலையில் இரும்பு பொருட்கள், தாமிர ஒயர்களை திருடி சாக்குபைகளில் வைத்திருந்ததும் காவல்துறையினருக்கு தெரிய வந்துள்ளது. இது குறித்து வழக்குப்பதிவு செய்த காவல்துறையினர் இருவரையும் கைது செய்ததோடு அவர்களிடமிருந்த பொருட்களையும் பறிமுதல் செய்தனர்.