கட்டிடத்திலிருந்து தவறிக் கீழே விழுந்து என்ஜினியர் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள புதுகுறிச்சி பகுதியில் சுடலைமுத்து என்பவர் வசித்து வருகிறார். இவருக்கு என்ஜினியரிங் பட்டதாரியான சுடலை என்ற மாயாண்டி என்ற மகன் இருந்துள்ளார். இவர் விவசாய பணிகளில் தனது தந்தைக்கு உதவியாக வேலை செய்து வருகிறார். மேலும் மாயாண்டி அதே பகுதியில் உள்ள இவரது குடும்பத்தினர் புதுவீடு கட்டி வருகின்றனர். அந்த கட்டிட பணிகளை மாயாண்டி மேற்பார்வையிட்டு கொண்டிருந்த போது கட்டிடத்தின் மேலிருந்து தவறி கீழே விழுந்துள்ளார்.
இதில் மாயாண்டி பலத்த காயமடைந்தார். இதனைப் பார்த்த அருகில் உள்ளவர்கள் மாயாண்டியை உடனடியாக மீட்டு நெல்லை அரசு மருத்துவமனைக்கு சிகிச்சைக்காக கொண்டு சென்றனர். ஆனால் மாயாண்டியை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். இதனையடுத்து மாயாண்டியின் உடல் பிரேத பரிசோதனை செய்யப்பட்டு உறவினர்களிடம் ஒப்படைக்கப்பட்டது. மேலும் இது குறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.