இந்தியில் அடியெடுத்து வைக்கும் கீர்த்தி சுரேஷ்….!!!

நடிகை கீர்த்தி சுரேஷ், இந்தி நடிகர் அஜய் தேவ்கனுக்கு  ஜோடியாக நடிக்க ஒப்பந்தம் செய்யப்பட்டுள்ளார்.

இந்திய முன்னாள் கால்பந்து வீரர் மற்றும் பயிற்சியாளரான சையத் அப்துல் ரகீமின் வாழ்க்கைப் படத்தில் அஜய் தேவ்கன் ஜோடியாக நடிக்க கீர்த்தி சுரேஷ் ஒப்பந்தமாகி இருக்கிறார். மலையாளத்தில் குழந்தை நட்சத்திரமாக அறிமுகமான கீர்த்தி சுரேஷ், அதன் பிறகு தமிழில் ‘இது என்ன மாயம்’ படத்தில் கதாநாயகியாக அறிமுகமானார்.இப்போது தென்னிந்திய மொழி படங்களில் முன்னணி நடிகையாக வலம் வருகிறார். விஜய், சூர்யா, விக்ரம், விஷால், சிவகார்த்திகேயன் என்று முன்னணி நடிகர்களுடன் ஜோடி சேர்ந்து நடித்துள்ளார்.

சாவித்திரியாக ‘நடிகையர் திலகம்’ படத்தில் நடித்த கீர்த்தி சுரேஷ் அதன் பிறகு அவரது மார்க்கெட் மற்றும் சம்பளம் உயர்ந்தது. தற்போது இந்தி பட வாய்ப்பும் கிடைத்துள்ளது.  பிரபல இந்திய முன்னாள் கால்பந்து வீரர் மற்றும் பயிற்சியாளரான சையத் அப்துல் ரகீமின் வாழ்க்கை கதை படமாகிறது. இதில் அஜய் தேவ்கன் ரகீம்  தோற்றத்தில் நடிக்கிறார். அவரது மனைவியாக கீர்த்தி சுரேஷ் வருகிறார். அமித் சர்மா இயக்குகிறார். இந்த படத்தை ஸ்ரீதேவி கணவர் போனிகபூர் தயாரிக்கிறார்.