சட்டவிரோதமாக வீட்டு தோட்டத்தில் கஞ்சா செடியினை வளர்த்த தந்தை-மகன் இருவரையும் காவல்துறையினர் கைது செய்தனர்.
தர்மபுரி மாவட்டத்தில் உள்ள பொன்னாகரம் மூட்டைகார தெருவில் அய்யம்பெருமாள் என்பவர் வசித்து வருகின்றார். இவருக்கு கார்த்திகேயன் என்ற மகன் இருக்கின்றார். இவர்கள் 2 பேரும் வீட்டின் பின் பகுதியில் கஞ்சா செடியை வளர்ப்பதாக பொன்னகரம் காவல்துறையினருக்கு ரகசிய தகவல் கிடைத்தது. அந்த தகவலின்படி போலீஸ் சப்-இன்ஸ்பெக்டர் துரை தலைமையிலான காவல்துறையினர் சம்பவ இடத்திற்கு விரைந்து சென்று சோதனை மேற்கொண்டனர்.
அப்போது வீட்டு தோட்டத்தில் கஞ்சா செடியை பயிரிட்டு இருப்பது காவல்துறையினருக்கு தெரியவந்தது. இதனையடுத்து அய்யம்பெருமாள், இவரது மகன் கார்த்திகேயன் ஆகிய 2 பேரையும் காவல்துறையினர் கைது செய்தனர். மேலும் அங்கிருந்த கஞ்சா செடிகளை காவல்துறையினர் அழித்தனர். அதுமட்டுமின்றி வீட்டில் இருந்து 1 கிலோ 100 கிராம் கஞ்சா செடியை காவல்துறையினர் பறிமுதல் செய்தனர்.