மதுரையில் கிமு ஐந்தாம் நூற்றாண்டைச் சேர்ந்த இரும்பு உலை கண்டுபிடிக்கப்பட்டு உள்ளது. இதை தொடர்ந்து இப்பகுதியில் தொழில் துறையினர் ஆய்வு நடத்த வேண்டும் என பொதுமக்கள் கோரிக்கை விடுத்துள்ளனர்.
மதுரை மாவட்டம் சோழபுரம் ஊராட்சிக்கு உட்பட்ட உழைப்பட்டி கிராமத்தின் மலை அடிவாரத்தில் முதுமக்கள் தாழிகள், கல்வட்டங்கள்,குத்துக்கள், கற்பலகைகள் என இறந்தோரின் நினைவாக உருவாக்கப்படும் அனைத்து சின்னங்களும் ஏற்கனவே கண்டறியப்பட்டுள்ளன. தற்போது 2500 ஆண்டுகளுக்கு முற்பட்ட இரும்பு உருக்கு உலை ஒன்றும் கண்டறியப்பட்டு உள்ளது. மேலும் கருப்பு நிறத்திலான இரும்புக் கழிவுகள் குவியலாக காணப்படுகின்றன.
இப்பகுதியைச் சேர்ந்த பேராசிரியர்கள் முருகேசன் சென்றாய பெருமாள் ஆகியோர் வழங்கிய தகவலின் அடிப்படையில் தொல்லியல் துறையினர் ஆய்வு மேற்கொண்டு பல்வேறு பழங்கால பொருட்களை கண்டறிந்து உள்ளனர். இந்த மலை அடிவாரத்தில் தாழிகளும் பானை ஓடுகளும் ஆங்காங்கே எலும்பு துகள்களும் பரவலாக காணப்படுகின்றன. முன்னோர்கள் பயன்படுத்திய ஏராளமான பொருட்களை கொண்ட கலிங்களும் முழுமையாக கிடைத்துள்ளார். ஆகையால் இந்த பகுதியில் விரிவான தொல்லியல் ஆராய்ச்சி மேற்கொள்ள வேண்டும் என்ற கோரிக்கை வலுத்து வருகிறது.