மூதாட்டி ஒருவர் கிணற்றில் பிணமாக கிடந்ததை கண்டு உறவினர்கள் அதிர்ச்சி அடைந்துள்ளனர்.
திருப்பத்தூர் மாவட்டத்தில் உள்ள பார்சம்பேட்டை ஜெயமாதா நகர் அப்பாசி கவுண்டர் பகுதியில் திலகவதி என்பவர் வசித்து வருகிறார். இவரின் கணவர் மாதவகுமார் ஏற்கனவே காலமாகிவிட்டார். இந்நிலையில் திலகவதி இரவு நேரத்தில் கழிவறைக்கு செல்வதாக கூறி சென்றுள்ளார். அதன்பின் காலை நேரத்தில் வீட்டின் பின்புறம் இருக்கும் கிணற்றில் திலகவதி பிணமாக கிடந்ததை கண்டு குடும்பத்தினர் அதிர்ச்சி அடைந்துள்ளனர்.
பின்னர் குடும்பத்தினர் கிணற்றில் இறங்கி திலகவதி சடலத்தை மீட்டுள்ளனர். இது குறித்து காவல் நிலையத்தில் திலகவதியின் மகள் மாதவி புகார் கொடுத்துள்ளார். அந்த புகாரின் பேரில் விரைந்து சென்ற காவல்துறையினர் திலகவதியின் சடலத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குபதிவு செய்த காவல்துறையினர் திலகவதியின் மரணம் தொடர்பாக தீவிர விசாரணை மேற்கொண்டு வருகின்றனர்.