கிணற்றில் குதித்து மூதாட்டி தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திருப்பூர் மாவட்டத்தில் உள்ள செனகல்பாளையம் பகுதியில் சின்னசாமி என்பவர் வசித்து வந்துள்ளார். இவருக்கு சுப்பாத்தாள் என்ற மனைவி இருந்துள்ளார். கடந்த 4 வருடங்களுக்கு முன்பு சின்னசாமி இறந்து விட்டார். அதற்கு முன்னதாக சின்னசாமி தனது சொத்துக்களை தனது 2 மகள்கள் மற்றும் மகனுக்கு பிரித்து எழுதிக் கொடுத்துவிட்டார். இந்நிலையில் சுப்பாத்தாளிடம் அவரது மகன் மீதி இருக்கிற சொத்துக்களை எழுதி தருமாறு வற்புறுத்தி வந்துள்ளார்.
இதனால் மனமுடைந்த சுப்பாத்தாள் கிணற்றில் குதித்து தற்கொலை செய்து கொண்டுள்ளார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று சுப்பாத்தாளின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றனர்.