பாரதிராஜா இயக்க இருக்கும் சிவப்பு ரோஜா இரண்டாம் பாகம் படத்தில் நடிகை கீர்த்தி சுரேஷ் அல்லது சமந்தாவை நடிக்க வைக்க பரிசீலிக்கப்பட்டு உள்ளதாக தகவல் வெளியாகியுள்ளது
1978ஆம் ஆண்டு பாரதிராஜா இயக்கத்தில் கமலஹாசன், ஸ்ரீதேவி நடித்து வெளியாகி வசூலை குவித்த படம் “சிவப்பு ரோஜாக்கள்” ஆண்களை மயக்கி ஆசை வலையில் வீழ்த்தும் பெண்களை தேடிப்பிடித்து கொலை செய்து வீட்டின் தோட்டத்தில் புதைக்கும் சைக்கோ கொலையாளி தொடர்பான கதை. இப்படம் ராஜேஷ் கண்ணா நடிப்பில் இந்தியில் வெளியானது. இளையராஜா இசையில் நினைவோ ஒரு பறவை, இந்த மின்மினிக்கு கண்ணில் ஒரு மின்னல் வந்தது போன்ற பாடல்கள் பட்டி தொட்டியெங்கும் ஒலித்தது.
இப்படத்தின் இரண்டாம் பாகத்தை இயற்ற பாரதிராஜாவின் மகன் மனோஜ் முயற்சி செய்ததாக கூறப்பட்டது. தற்போது இப்படத்தின் இரண்டாம் பாகத்தை பாரதிராஜாவே இயக்க இருப்பதாக தகவல்கள் வெளியாகியுள்ளது. பெண்களை ஆசை வலையில் வீழ்த்தி ஏமாற்றும் ஆண்களை ஒரு பெண் பழி தீர்ப்பது போல கதாநாயகியை மையமாக வைத்து இக்கதையில் மாற்றம் செய்திருப்பதாக கூறப்படுகிறது. இப்படத்தில் சமந்தா அல்லது கீர்த்தி சுரேஷ் கதாநாயகியாக நடிக்க வைக்க பரிசீலிக்கப்பட்டுள்ளது. இதுகுறித்த அறிவிப்புகள் விரைவில் வெளியாகும் எனவும் கூறப்படுகிறது.