வாலிபரை கொலை செய்த வழக்கில் கைதான லாரி டிரைவர் பரபரப்பு வாக்குமூலம் அளித்துள்ளார்.
ராணிப்பேட்டை மாவட்டத்தில் உள்ள ஆற்காடு பகுதியில் சில தினங்களுக்கு முன்பு இரு சக்கர வாகனம் மீது லாரி மோதி சென்றதில் லாரி டிரைவர் மற்றும் இருசக்கர வாகனத்தில் சென்ற மணிகண்டன், அருண் என்பவருக்கு இடையே தகராறு ஏற்பட்டுள்ளது. இந்நிலையில் தகராறு முற்றிய போது லாரி டிரைவர் அவர்கள் இருவரையும் சரமாரியாக கத்தியால் தாக்கியுள்ளார். இதில் பலத்த காயமடைந்த மணிகண்டன் சம்பவ இடத்திலேயே உயிரிழந்துவிட்டார். மேலும் அருண் சிகிச்சைக்காக மருத்துவமனையில் அனுமதிக்கப்பட்டுள்ளார்.
இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வந்துள்ளனர். இந்நிலையில் தேனி மாவட்டத்தில் உள்ள உத்தமபாளையம் பகுதியில் வசிக்கும் லாரியின் உரிமையாளர் ஜான் போஸ்கோ என்பவரை காவல்துறையினர் கைது செய்துள்ளனர். இதையடுத்து அவரிடம் நடத்திய விசாரணையில் மணிகண்டன் மற்றும் அருண் ஆகிய இருவரும் என்னிடம் பணம் பறிக்க முயன்றதால் நான் அவர்களை கத்தியால் வெட்டினேன் என்று பரபரப்பு வாக்குமூலம் அளித்துள்ளார்.