இருசக்கர வாகனம் மீது கார் மோதி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
திருச்சி மாவட்டத்திலுள்ள மணப்பாறை பகுதியில் பாண்டியன் என்பவர் வசித்து வருகின்றார். இவருக்கு அழகு ராஜா என்ற மகன் இருந்துள்ளார். இந்நிலையில் அழகுராஜா புதுக்கோட்டை மாவட்டத்திலுள்ள விராலிமலை பகுதியில் இருசக்கர வாகனத்தில் சென்று கொண்டிருந்தார். அப்போது எதிரே வந்த காரானது அழகுராஜாவின் இருசக்கர வாகனத்தின் மீது பலமாக மோதியுள்ளது.
இதனைப் பார்த்த அருகில் இருந்தவர்கள் அழகுராஜாவை மீட்டு சிகிச்சைக்காக அரசு மருத்துவமனையில் அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி அழகுராஜா பரிதாபமாக உயிரிழந்துவிட்டார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.