சாகுபடி நிலத்தை மனையாக மாற்ற முயற்சி நடந்ததைத் தொடர்ந்து திருத்துறைப்பூண்டி பிறவி மருந்தீஸ்வரர் கோவிலுக்கு சொந்தமான ரூ.12 கோடி மதிப்பிலான நிலங்கள் மீட்கப்பட்டன.
திருவாரூர் மாவட்டத்திலுள்ள திருத்துறைப்பூண்டி பகுதியில் பிறவி மருந்தீஸ்வரர் கோவில் அமைந்துள்ளது. அந்த கோவிலுக்கு சொந்தமாக ஏராளமான நிலங்கள் உள்ளது. இதனை பலர் வாடகைக்கும் குத்தகைக்கும் எடுத்து பயன்படுத்தி வருகின்றனர். இந்நிலையில் திருத்துறைப்பூண்டி நகராட்சி பகுதியில் உள்ள கோவில்களுக்கு சொந்தமான சாகுபடி நிலங்களில் சிலர் சாகுபடி செய்யாமல் அதனை தரிசு நிலமாக்கி மனையாக மாற்ற முயற்சி செய்துள்ளனர்.
இதனையடுத்து கோவிலுக்கு சொந்தமான ரூ.16 கோடியே 90 லட்சம் மதிப்புள்ள நிலங்களை கோவில் செயல் அலுவலர் ராஜா, கணக்கர் சீனிவாசன் ஆகியோர் குத்தகைதாரர்களிடமிருந்து மீட்டு கோவிலின் கட்டுப்பாட்டிற்குள் கொண்டு வந்தனர். மேலும் அங்கு கோவிலின் சார்பில் நிலங்களை அத்துமீறி பயன்படுத்தகூடாது என்பதற்கான அறிவிப்பு பலகை வைக்கப்பட்டுள்ளது.