நடிகை குஷ்பூ சின்னத்திரையில் மீண்டும் ரீ-என்ட்ரி கொடுத்து நடித்து வருகிறார்.
சூப்பர் ஸ்டார் நடிப்பில் உருவாகியுள்ள “அண்ணாத்த” திரைப்படத்தில் நீண்ட நாள் இடைவெளிக்கு பிறகு நடிகை குஷ்பு நடித்துள்ளார். அந்த படத்தில் நடிகை குஷ்பு முக்கிய கதாபாத்திரத்தில் நடித்துள்ளதாகவும் தகவல் வெளியாகியுள்ளது. மேலும் நடிகை குஷ்பு அரசியலில் ஈடுபட்டு வருவதால் அவருடைய நடிப்பும் வெகுவாக குறைந்து வந்தது.
அவர் சன் டி.வி.யில் ஒளிபரப்பான “லட்சுமி ஸ்டோர்ஸ்” என்ற தொடரில் இறுதியாக நடித்தது குறிப்பிடத்தக்கது. இந்நிலையில் ஜீ தமிழில் ஒளிபரப்பாகும் பிரபல சீரியலான “கோகுலத்தில் சீதை” தொடரில் நடிகை குஷ்பு, நடிகர் வையாபுரியுடன் இணைந்து சிறப்பு தோற்றத்தில் மீண்டும் சின்னத்திரையில் ரீ என்ட்ரி கொடுத்து நடித்து வருகிறார்.