லாரி மீது இருசக்கர வாகனம் மோதி பெண் உயிரிழந்த சம்பவம் சோகத்தை ஏற்படுத்தியுள்ளது.
காஞ்சிபுரம் மாவட்டத்தில் உள்ள புத்தளி கிராமத்தில் குமார் என்பவர் வசித்து வருகிறார். இவர் பெயிண்டராக வேலை பார்த்து வருகிறார். இவருக்கு துளசி என்ற மனைவி இருந்துள்ளார். இந்நிலையில் குமார் தனது மனைவி துளசியை அழைத்துக் கொண்டு இந்திரா நகர் பகுதியில் வேலை நிமித்தமாக வந்து விட்டு மீண்டும் தனது கிராமத்திற்கு சென்று கொண்டிருக்கும் போது லாரின் மீது இருசக்கர வாகனம் மோதி விபத்து ஏற்பட்டுள்ளது.
இந்த விபத்தில் இருசக்கர வாகனம் நிலைதடுமாறி கீழே விழுந்ததில் பின்னால் அமர்ந்து வந்த துளசியின் தலையில் பலத்த காயமடைந்து சம்பவ இடத்திலேயே பரிதாபமாக உயிரிழந்துள்ளார். இது பற்றி தகவல் அறிந்த காவல்துறையினர் சம்பவ இடத்திற்கு விரைந்து சென்று துளசியின் உடலை மீட்டு பிரேத பரிசோதனைக்காக அரசு மருத்துவனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை நடத்தி வருகின்றனர்.