லாரி மீது இருசக்கர வாகனம் மோதி உணவு பாதுகாப்புத்துறை ஆய்வாளர் உயிரிழந்த சம்பவம் சோகத்தை ஏற்படுத்தியுள்ளது.
திருவள்ளூர் மாவட்டத்தில் உள்ள தக்கோலம் சக்தி விநாயகர் கோவில் தெருவில் ஜெயவேல் என்பவர் வசித்து வந்துள்ளார். இவர் உணவு பாதுகாப்பு துறை ஆய்வாளராக பணிபுரிந்து வந்துள்ளார். இந்நிலையில் ஜெயவேல் தனது இருசக்கர வாகனத்தில் வேலை முடித்து விட்டு வீட்டிற்கு சென்று கொண்டிருக்கும் போது லாரியின் மீது இரு சக்கர வாகனம் மோதி விபத்து ஏற்பட்டுள்ளது.
இந்த விபத்தில் ஜெயவேல் தலையில் பலத்த காயமடைந்து சம்பவ இடத்திலேயே பரிதாபமாக உயிரிழந்துள்ளார். இது பற்றி தகவல் அறிந்த காவல்துறையினர் சம்பவ இடத்திற்கு விரைந்து சென்று ஜெயவேலின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குபதிவு காவல்துறையினர் தீவிர விசாரணை மேற்கொண்டு வருகின்றனர்.