லாரி மீது கார் மோதிய விபத்தில் 6 பேர் சம்பவ இடத்திலேயே உயிரிந்த சம்பவம் சோகத்தை ஏற்படுத்தியுள்ளது.
தெலுங்கானாவின் ஐதராபாத்தை சேர்ந்த சில பேர் ஒரு காரில் கமாரெட்டி மாவட்டத்தை நோக்கி சென்று கொண்டிருந்தனர். இதனையடுத்து கார் ஜெகநாத்பள்ளி அருகே சென்று கொண்டிருந்தது. அப்போது கார் அந்தவழியாக சென்று கொண்டிருந்த ஒரு லாரி மீது மோதி விபத்துக்குள்ளானது. இதனால் கார் நொறுங்கியதுடன், அதில் இருந்தவர்கள் அனைவரும் இடிபாடுகளுக்குள் சிக்கிக் கொண்டனர். இந்த விபத்தில் 2 குழந்தைகள், 2 பெண்கள் உள்பட 6 பேர் சம்பவ இடத்திலேயே பரிதாபமாக உயிரிந்து விட்டனர்.
மேலும் 4 பேர் பலத்த காயமடைந்தனர். அதன்பின் அவர்கள் அனைவரும் மீட்கப்பட்டு பன்ஸ்வடாவில் உள்ள மருத்துவமனையில் சிகிச்சைக்காக அனுமதிக்கப்பட்டு உள்ளனர். இதுகுறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர். இவ்வாறு கோர விபத்தில் 6 பேர் உயிரிழந்த சம்பவம் அந்த பகுதியில் பெரும் சோகத்தையும்,பரபரப்பையும் ஏற்படுத்தியுள்ளது.