பிக்பாஸ் நிகழ்ச்சியில் கலந்துகொண்டு பிரபலமான நடிகை ஒருவர் லேடிஸ் ஹாஸ்டல் திரில்லர் படத்தில் கதாநாயகியாக நடித்துள்ளார் .
தெலுங்கு திரையுலகில் பத்திற்கும் மேற்பட்ட படங்களில் நடித்துள்ளவர் பானு ஸ்ரீ ரெட்டி . இவர் கடந்த 2018 ஆம் ஆண்டு தெலுங்கு பிக்பாஸ் நிகழ்ச்சியில் கலந்துகொண்டு பிரபலமடைந்தார் . தற்போது ‘கேட்’ என்ற திரைப்படத்தில் கதாநாயகியாக நடித்துள்ளார் . ஜி.கே சினி மீடியா நிறுவனம் தயாரிப்பில் உருவாகியுள்ள இந்த படத்தில் புதுமுக நடிகர் ஆத்ரேயா விஜய் நடித்துள்ளார் . தமிழ் திரையுலகில் பல முன்னணி இயக்குனர்களிடம் இணை இயக்குனராக பணியாற்றிய சிவா மேடி இந்த படத்தின் மூலம் இயக்குனராக அறிமுகமாகிறார் .
மேலும் இந்த படத்தில் ‘மாநகரம்’ படத்தில் வில்லனாக மிரட்டிய ரவி வெங்கட்ராமன் முக்கிய கதாபாத்திரத்தில் நடித்துள்ளார் . இந்த படம் பெண்கள் விடுதியில் தங்கியிருக்கும் பெண்களுக்கு மத்தியில் எதிர்பாராத விதமாக நடக்கும் திகில் நிகழ்வுகளை மையப்படுத்தி முழு நீள த்ரில்லர் படமாக உருவாகியுள்ளது . இந்தப் படத்தின் படப்பிடிப்பு ஊட்டியில் நடைபெற்றுள்ளது . விரைவில் இந்த படம் திரைக்கு வரவிருப்பதாக கூறப்படுகிறது .