குழந்தை இல்லாத விரக்தி… இளம்பெண் எடுத்த விபரீத முடிவு… கண்ணீர் வடிக்கும் குடும்பத்தினர்…!!

குழந்தை இல்லாத விரக்தியில் பெண் தூக்குப்போட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

திருவள்ளூர் மாவட்டத்தில் உள்ள ஒரு கிராமத்தில் பானுப்பிரியா என்பவர் வசித்து வந்துள்ளார். இவருக்கு கடந்த 3 ஆண்டுகளுக்கு முன்பு திருவள்ளூர் மாவட்டத்தில் உள்ள காந்திபுரம் பகுதியில் வசித்து வரும் சசிகுமார் என்பவருடன் திருமணம் நடைபெற்றுள்ளது. இந்நிலையில் திருமணமாகி மூன்று ஆண்டுகள் ஆகியும் இந்த தம்பதிகளுக்கு குழந்தை இல்லாத காரணத்தால் பானுபிரியா எப்போதும் சோகமாக இருந்துள்ளார்.

இதனையடுத்து வெளியூரில் உள்ள தனது தாய் வீட்டிற்கு சென்ற பானுப்பிரியா வீட்டில் யாரும் இல்லாத சமயத்தில் தூக்கு போட்டு தற்கொலை செய்துள்ளார். இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்று அவரின் உடலை மீட்டு திருவள்ளூர் அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த போலீசார் தீவிர விசாரணை மேற்கொண்டு வருகின்றனர்.