மின்சாரம் பாய்ந்து பெண் பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்தில் உள்ள வடகாடுபட்டி கிராமத்தில் ஆனந்தன் என்பவர் வசித்து வருகிறார். இவருக்கு குளோரியா என்ற மனைவி இருந்துள்ளார். இந்நிலையில் குளோரியா மாலை நேரத்தில் தனது வீட்டிற்கு பின்னால் இருக்கும் பொருட்களை எடுக்க சென்ற போது திடீரென அவர் மீது மின்சாரம் பாய்ந்து விட்டது.
இதனால் தூக்கி வீசப்பட்டு உயிருக்கு போராடி கொண்டிருந்த குளோரியாவை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக கொண்டு சென்றனர். அங்கு அவரை பரிசோதித்த மருத்துவர்கள் குளோரியா ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.