டிரைவர் தன் கட்டுப்பாட்டை இழந்து தடுப்புச்சுவர் மீது லாரி மோதிய சம்பவம் பரபரப்பை ஏற்படுத்தியுள்ளது.
ஈரோட்டில் இருந்து மதுரைக்கு இரும்பு பொருட்கள், சின்டெக்ஸ் தொட்டிகள் மற்றும் பல்வேறு பொருட்கள் அடங்கிய பாரங்களை ஏற்றிக்கொண்டு ஒரு லாரி வந்தது. இந்த லாரியை மதுரை மாவட்டம் சமயநல்லூர் பகுதியைச் சேர்ந்த செல்வம் என்பவர் ஓட்டி வந்துள்ளார். இதனையடுத்து லாரி திருப்பூர் மாவட்டம் நத்தகாடையூர்-காங்கேயம் பிரதான சாலையில் கொக்குமடை விநாயகர் கோவில் அருகில் வந்துகொண்டிருந்தது.
அப்போது எதிர்பாராதவிதமாக டிரைவர் தன் கட்டுப்பாட்டை இழந்து லாரி சாலையின் நடுவில் வைக்கப்பட்டிருந்த தடுப்புச்சுவரில் வேகமாக மோதி விபத்துக்குள்ளானது. இந்த விபத்தில் லாரி டிரைவர் செல்வம் சிறு காயங்களுடன் அதிஷ்டவசமாக உயிர் தப்பி விட்டார். இதுகுறித்து காங்கேயம் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.