மருத்துவமனைக்கு சென்று கொண்டிருக்கும் வழியில் லாரி மோதி வாலிபர் பலியான சம்பவம் சோகத்தை ஏற்படுத்தியுள்ளது.
காஞ்சிபுரம் மாவட்டத்தில் உள்ள புதபாளையம் பகுதியில் முருகன் என்பவர் வசித்து வந்துள்ளார். இவருக்கு மலர் என்ற மனைவி உள்ளார். இந்நிலையில் கணவன், மனைவி ஆகிய இருவரும் மோட்டார் சைக்கிளில் செட்டிமேடு பகுதியில் அமைந்திருக்கும் தனியார் மருத்துவமனைக்கு சென்று கொண்டிருக்கும் போது மேவலுர்குப்பம் அருகில் செல்லும் போது எதிரே வேகமாக வந்த லாரி முருகன் ஓட்டி வந்த மோட்டார் சைக்கிள் மீது மோதியுள்ளது.
இதில் முருகன் சம்பவ இடத்திலேயே பரிதாபமாக உயிரிழந்துள்ளார். அதன்பின் இந்த விபத்தில் படுகாயமடைந்த அவரின் மனைவி மலரை அருகில் இருந்தவர்கள் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.