எனக்கு ரொம்ப பெருமையா இருக்கு… கவனத்தை ஈர்த்த கடைசி நிமிட பாடல்… நீங்காத இடம் பிடித்த இசை கலைஞர்…!!

எஸ்.பி.பி பாடல் தனது படத்தில் இடம்பெற்றது பெருமையாக உள்ளது என தேவதாஸ் பார்வதி படத்தின் இயக்குனர் தெரிவித்துள்ளார்.

பிரபல பின்னணி பாடகரான எஸ்.பி. பாலசுப்ரமணியம் அவர்கள் மறைவதற்கு முன்பு பாடிய கடைசி பாடல் என்னோட பாஷா என்பதாகும். இதனை பாடிய எஸ்.பி. பாலசுப்ரமணியம் அவர்கள் நான்கு தலைமுறைகளாக பாடி கின்னஸ் சாதனை படைத்து உலகெங்கிலும் உள்ள ரசிகர்களின் மனதில் நீங்காத இடம் பிடித்துள்ளார். இந்நிலையில் ஆந்தாலாஜி திரைப்படமான தேவதாஸ் பார்வதி என்ற படத்தை ஆர்.ஜி. கிருஷ்ணன் இயக்கியுள்ளார். இப்படத்தின் கதையானது எஸ்.பி. பி- க்கு பிடித்த காரணத்தால் இதில் பாடுவதற்கு ஒப்புக்கொண்டு, இந்தப் பாடலை ஜூலை 2020 பாடினார்.

இதனால் இந்த படமானது அமேசான் பிரைம் ஒ.டி.டி தளத்தில் வெளியிடவுள்ளனர். இந்நிலையில் உடல்நலக்குறைவால் மருத்துவமனையில் அனுமதிக்கப்பட்ட எஸ். பி. பி, அவருக்கு அளிக்கப்பட்ட சிகிச்சை பலனலிக்காமல் பரிதாபமாக உயிரிழந்து விட்டார். அவர் ஆயிரக்கணக்கான பாடல்களைப் பாடியிருந்தாலும் அவருடைய கடைசி நிமிடத்தில் பாடிய பாடலான என்னோட பாஷா பாடல் உலக மக்கள் அனைவரின் கவனத்தையும் ஈர்த்துள்ளது. இதுகுறித்து இயக்குனர் ஆர்.ஜி.கே கூறும் போது, ஒரு உலக மகா இசைகலைஞனின் இசைப்பபாடல் தனது படத்தில் இடம் பெற்றதற்காக பெருமையாக உள்ளதாக தெரிவித்துள்ளார்.