தமிழ் சினிமாவில் பிரபல முன்னணி நடிகராக வலம் வருபவர் நடிகர் விஷால். இயக்குனர் வினோத்குமார் இயக்கத்தில் இவர் நடிப்பில் உருவாகியுள்ள திரைப்படம் ”லத்தி”. இந்த படத்தில் கதாநாயகியாக சுனைனா நடித்துள்ளார். இந்த திரைப்படம் தமிழ், தெலுங்கு, ஹிந்தி, கன்னடம் என நான்கு மொழிகளில் வருகிற டிசம்பர் 22ஆம் தேதி ரிலீஸ் ஆகிறது.
ராணா நந்தா தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். விஷால் தற்போது இந்த படத்திற்கான பிரமோஷன் நிகழ்ச்சியில் கலந்து கொண்டு வருகிறார். இந்நிலையில், இந்த படத்தின் சென்சார், ரன்னிங் டைம் குறித்த தகவல் வெளியாகியுள்ளது.
அதன்படி, இந்த திரைப்படத்திற்கு தணிக்கை குழு யு/ஏ சான்றிதழ் அளித்துள்ளது. மேலும், இந்த படம் இரண்டு மணி நேரம் 22 நிமிடங்கள் ஓடக்கூடியதாக படத்தின் நிறுவனம் அதிகாரப்பூர்வமாக அறிவித்துள்ளது.